టెక్నాలజీతో మరింత వైభవంగా కుంభమేళ!
టెక్నాలజీతో మరింత వైభవంగా కుంభమేళ! 18 h ago
2025లో ప్రయాగరాజ్‌లో జరగనున్న కుంభమేళాలో భద్రత, సులభంగా కదలికలు, సమాచార మార్పిడిని మెరుగుపర్చడానికి ఉత్తరప్రదేశ్‌ ప్రభుత్వం ఆధునిక సాంకేతిక పరిజ్ఞానాన్ని వినియోగిస్తోంది. ఏఐ సర్వైలెన్స్‌ వ్యవస్థలు, జిపియస్‌ ట్రాకింగ్‌, లైవ్‌ స్ట్రీమింగ్‌ వంటి సాంకేతిక పరిజ్ఞానాలను ఉపయోగించి భారీగా తరలివచ్చే భక్తులకు సేవలు అందించేందుకు ప్రభుత్వం చర్యలు చేపట్టింది. ఈ సాంకేతిక పరిజ్ఞానం ద్వారా భక్తుల భద్రతను పెంచడంతో పాటు, రద్దీ నిర్వహణ, సమాచార ప్రసారం సులభతరం అవుతుందని ప్రభుత్వం భావిస్తోంది. ఏఐ సర్వైలెన్స్‌ వ్యవస్థలు 24/7 నిఘా ఉంచి, అనుమానాస్పదమైన చర్యలను గుర్తించి అధికారులకు సమాచారం అందిస్తాయి. జిపియస్‌ ట్రాకింగ్‌ ద్వారా భక్తుల కదలికలను పర్యవేక్షించి, అత్యవసర సమయాల్లో సహాయం అందించేందుకు వీలు కల్పిస్తుంది. అంతేకాకుండా, లైవ్‌ స్ట్రీమింగ్‌ ద్వారా కుంభమేళాలో జరుగుతున్న కార్యక్రమాలను ప్రత్యక్ష ప్రసారం చేయడం ద్వారా దూరంగా ఉన్న భక్తులు కూడా కుంభమేళా వాతావరణాన్ని ఆస్వాదించే అవకాశం లభిస్తుంది.
